Dande cumensa l'Apenin

Note cutürali e naturalistiche du teritoriu der Quattru Prüince


 

cuntatti: redazione@appennino4p.it
chi fa cû scitu chí ; diritti d'autù


English ; Deutsch ; Nederlands ; Français ; Occitan ; Català ; Castellano ; Sardu ; Italiano ; Ticinees ; Bulgnais Română
dialetto di Voghera, Massinigo, Menconico, Daglio, Carsi

[pronuncia]

L'Apenin, a cadeŋa muntuusa ch'a traversa cûmme n'ossadüa tütta l'Italia peninsülare, a tacca a l'atessa der passu du Turchiŋ, fra Zena Vutri e Alisciàndria*. Quarchedün u pensa che u numme "Apenin" u derivi da Pen, diu líggüre di boscchi e der muntagne, dar quale i siésciu derivai anche i nummi di munti cûmme Penna e Pènixe.

carta a grande scala

Que pàggine chí j en dedicai ar primmu trattu setentriunale de l'Apenin: un grüppü de muntagne e valli divize dar püntu de vista aministrativu in ben quattru prüince de quattru regiun differenti: Zena (Ligüria), Alisciàndria (Piemunte), Pavía (Lumbardía) e Piaxensa (Emiglia-Rumagna). Pe quantu riguarda a cürtüra, però, questa l'é n'àrea umugénnea, dande per sécûli a gènte l'à vissüu in moddi símili (curtivandu granaje, patate e castagne, alevandu crave e vacche, fandu vilaggi de impiantu caraterísticu) e a s'é cunesciua e spuzà pü facirmente a cavallu tra j ate valli che tra queste e er curispundenti zone de pianüa. Qua unità chí, l'é testimunià supratüttu ta mǘxica tradisiûnale pupulare, che dünca l'é stà definía der Quattru Prüince: esprexun che a ne pa a pü adatta a definí l'àrea che semmu a daré a parlà.


Üŋa tera de punti

Se sa che l'imaginariu pupulare u culega de sólitu a custruxun den punte a l'interventu desturbante du diau, e l'é fàccile capine a raxun: i punti i culegu, u diau l'é "cu che dividda". [...] Ta cürtüra pupulare pü ün fullettu ch'u destürba che incarnaxun der mà assolüttu, u diau u insínua, cun ü so fa negativu, l'imàgine da cuntradixun drentu ogni movimentu votu a üní, valicà, guadà. In fundu, a sö disperà uppusixun aa creaxun de cuntatti, relaxun, cumunicaxun, porta in le ün germe de valure: a difeiza de l'identitè e specificitè, però scadüa ter malinteizu de üŋa chiuzüa a l'atru, den rifiuttu assolüttu e stérile.

Se er punte gobbu de Böbbiu, ch'u u culega er spunde uposte de Trebia, u m'à sugeríu que cunsideraxun chí, é perché te queste valli, che urmai e ciamemmu "der Quatru Prüince", se végga a piŋessa da cumplescitè di tanti e cüntradittóri temmi de üniun e cunflittu, chiuzüa e scàmbiu, apertüa e izulamentu. Valli percurse da senté milenari, vie marenche e vie da sà, per frantummi de gea e curenti de eigua, opüre tra er balse der creste, de celeste e verdu, spegiai a nord in nebie de pianüa o a süd ter bagliure den toccu de mà. Valli na vötta de antighe sulidarietè, cunsuetúddini cummunitarie, ampiessa de pàsculi, richessa de eigue. Ma rivalitè antighe e sanguigne. Valli óua diventai impenetràbili de boscchi, pàixi in ruiŋa cunquistai dan triunfu de vegetaxun, sȧrai te na cüpéssa d'abandun.

 

Dande cumensa l'Apenin : note cutürali e naturalistiche du teritoriu der Quattru Prüince / redazione ; Anna Guaraglia : versione in dialetto di Artana ; © autori -- <http://www.appennino4p.it/index.ar.html> : 2007.11 -