contat: redazione@appennino4p.it
chij ch'i fa sü chest sit-scia ; drecc d'autor
L'Apenin, la cadena da montagn che la traversa cumè un firon l'intrega penísula taliana, al cumenza apröv ul pass dal Türchin, intra Vultri e Lissàndria*. Cheidügn al considera che 'l nomm Penin al vegna giò da Pen, díuv ligürin di bosch e montagn, dond al saress derivaa i nom medem di munt cumè Penna e Pénis.
Una tera da punt
Se ul pont göp da Bòbi, ch'al tra insema i dò riv opòst da la Trébia, al m'ha fai pensà sü à sti paròl-scia, al è par che, in sti valad, ch'om ha oramai l'abitüd da ciamá di Quatar Provenz, al sa manifesta la complessitaa e la multiplicitaa di contradizion intra ünion e conflit, baradüra e scambi, avertüra e isolament. Di valer parcorüd par di strad milenari, andàir dal mar e da la sal, par di plòch e curent d'aigua, o anca in tra i scim di montagn, da celest e verd, refletüd a nòrd ind i scigher da la bassa e a süd ind al sbarlüsc diafan d'un mantin da mar. Di valer un temp d'antigh solidaritaa, costüm comünitari, gran spazi da pastüra, bundanza d'aigua. Ma anca da balm à strapiomb e cius delogn, e da esistenz faid fö in sempru eguaj orizon, da rivalitaa andegh e sanguign. Di valer, al dí d'incöj, da spess intrigad par la selva, par di burgh in ruina, faid sü par un trionf da vegetazion, sarad sü ind una bruma da bandon. Paolo Ferrari Magà
|
Dond al cumenza l'Apenin : vergüna nöda sura la cültüra e la natüra dal teritòri di Quatru Provenz / Claudi Meneghin : versione in koiné ticinese ; redazion ; © autor -- <http://www.appennino4p.it/index.ti.htm> : 2006.02 - 2010.07 -