L'Apnîn, a cadeŋna d' muntagne ch'a traversa cme a scpiŋna dursale tütta l'Italia pninsulare, a cmînsa a l'atéssa der passu d'u Türchin, fra Vutri e Lisciàndria *. Quardün u pinsa che cu numme chí u deriva da Pen, u diu lígure di boscchi e der muntagne, e da cu numme chí i sajéivu derivai anche i nummi der munte Penna e Pénice.
Que pàgine chí i parlu der prümu tocu du setentriun dl'Apnîn, in grüpi d'muntagne e valae che peró u viegna divizo dai cunfin pre quatru pruvince d'quatru regiun, Ziena (Ligüria), Lisciàndria (Piemunte), Pavía (Lumbardía) e Piaxînsa (Emilia-Rumagna). Pre er tradisiun, peró, l'é cme s'a fisse iŋ ària ünica, dande pre séculi a ginte a vivè paigiu (vivindu sü inter gràn, patatte, casctiegne, e tgnindu inta stalla vacche e crave, tiandu sü der cae face in manía particulae, e via) e s'é cunsciüa e scpuzà pü fasilmînti tra ina vallaa e l'atra pütósctu che tra a vallaa e a pianüa. Tüttu isctu infatti l'é tesctimunió dar mǘxiche tradisiunali e pupulari, che i viégnu definíe der Quatru Pruvince:
cua escpressiun chí a ŋ'pa a pü giüscta pre parlà d'cua zona chí.